Kum tina neih \hin angin Hnampa Mahatma Gandhi pianchampha vawiina lo thlengah Zoram pum huapin faina hapta hman \an a ni.

0
525
views

 

A hmanna inkhawm lian ber chu UD&PA Deptt. bultumin tukin khan Vanapa Hall-a inkhawmah Planning & Programme Implementation Minister, Pu Lalsawta’n a hawng a, hetah hian faina lama Mizoram khawpui 23 te inelna result puan nghal a ni.

Thusawiin Pu Lalsawta chuan faina, thianghlimna hmasawnna te chu thil inzawm tlat a ni tih sawiin, tunah hian hemi kawngah hian Mizo mipuite an harh thar mek niin a sawi a, faina chu rilru lam a\anga in\an a nih avangin mipuite chu duhthlanna dik leh \ha hman tum turin a fuih a ni.

He inkhawmah hian kumina Mizorama khawpui fai ber thlanna result puan nghal a ni a, District khawpui zingah chuan Lunglei khawpui chu fai bera thlan a ni a, Serchhipin a dawt a, pathumna chu Mamit a ni. Khawpui dang zingah chuan Biate pakhatna a ni a, Zawlnuamin a dawt a, Lengpui chu pathumna a ni.

Faina hapta hi District khawpui hrang hrangah leh Sub Divisional Hqrs.-ah te pawh vawiin a\ang khan hman a ni a, Sangauvah chuan UPC NEI hnuaia Penticostal Youth Deptt. \halaiten hnatlangin Sangau khaw chhung hmun hrang hrang an thianfai a, hemi bakah hian SDO office panna kawng leh Sangau damdawi in panna kawng chhe zual an siam \ha bawk a ni.