Kumin April ni 11-a Mizoramin Lok Sabha inthlanpui a hmachhawn turah BJP Ticket-a ding turin State Vice President nilai, Pu Nirupam Chakma ruat a ni.

0
199
views

BJP hian nimin khan kumin Lok Sabha inthlanpui neih tura State hrang hranga an Party Ticket a ding tur an puang a, heta puan zingah hian Mizoramin Lok Sabha Seat 1 a neih chuh tur pawh puan nghal niin, hetah hian Pu Nirupam Chakma chu ruat a ni. MP Candidate atana Pu Nirupam Chakma ruat a nih chungchang Zonet zawhna chhangin, BJP Mizoram State President, Prof. JV Hluna chuan MP Candidate chu Central lama an hotute ruat a nih thu leh an hotuten tling leh \ha nia an hriat chu tupawh ni se an thlawp tur thu a sawi a. Amah hi tunah Aizawlah a awm lova, Aizawl pana a lo kal mek thu leh a lo thlen hunah ama hovin a tlin ngei theih nana hmalak dan tur an sawi ho tur thu a sawi.

Pu Nirupam Chakma hi Congress Ticket-in MLA-ah \um 5 thlan tlin a ni tawh a. MLA atana thlan a nih hmasak ber chu kum 1987 niin, Chawngte bialah thlan tlin a ni a. Kum 1989-ah a bial ngaiah thlan tlin niin hemi \um hian Minister of State atan ruat a ni a. Kum 1993-ah pawh thlan tlin leh niin, minister of state a ni leh a, kum 1998 leh 2003-a Congress sorkar loh lai pawh khan thlan tlin a ni bawk.