Kumin Independence Day pualin chhungkaw harsa zualte tana hriselna enkawlna tur tanpuina, Ayushman Bharat-National Health Protection Mission (AB-NHPM) PM Narendra Modi-a’n a hawn rin a ni.

0
892
views

 

AB-NHPM hi chhungkaw harsa zual thlanchhuah ten kum khata cheng nuai 5 thleng sorkar a\anga an dawn theihna tur a ni a, tun dinhmunah a dawng thei tur thingtlang a\angin chhungkaw vbc 8.03 leh khawpuia cheng chhungkaw vbc 2.33 thlanchhuah an ni tawh a, an vai hian mihring vbc 50 vel an ni tih Socio Economic Caste Census chuan a tarlang a ni. Thuneitute chuan AB-NHPM ah hian Orrisa state chuan tel ve a tum loh thu leh Punjab, Kerala, Maharashtra, Karnataka leh Delhi te’n thutlukna an la siam loh thu an sawi a, state 22 in AB-NHPM hi enchhin turin an inpeih tawh niin an sawi bawk. Sorkar laipui chuan AB-NHPM enchhinna atan hian cheng vbc 10,000 a dah hrang tawh a, state sorkar hnena a hlan chhawn tur zat erawh tihfel a la ni lo thung. AB-NHPM hi tihpuitlin a nih chuan khawvel pum huapa Health Care Programme lian ber a ni ang.