Thuchhuah an siamah ZPM chuan an thudawn bawhzuia an zirchianna a\angin thisen sawngbawlna man hi Sorkar enkawl damdawi inah chuan lak a ni lova, hetih lai hian mipui tam berin an pan Private Hospital-in an thisen mamawh Sorkar enkawl Blood Bank-a an dil chu Unit khat Rs. 550 a hralh chhunzawm a la ni reng tih an hmuhchhuak niin an sawi a. Kumin January ni 14 leh February ni 2 thleng khan Private Hospital pakhat chuan Thisen PRBC Unit 154 leh PC Unit 111, a vaiin Unit 265 chu Unit khat zel Rs. 550-in an lei a, hei hi avaiin Rs. 1,45,750 zet nih thu leh hei hi Hospital pakhat chauh hman a ni a, Private Hospital dang pawhin an thisen mamawh hi Unit khat Rs. 550 zelin an lei tih pawh an finfiah niin an sawi.
Hetianga thisen man lak chhunzawm a ni reng chunga mipui hriat tura thisen sawngbawlna man a thlawn vek a lak tawh anga MNF Sorkar-in a puang leh mipui an bum duh ta mai chu ZPM General Headquarters chuan pawi an ti takzet tih sawiin, Mizoram Sorkar chu thisen sawngbawlna man a lak a nih loh tur thu a lo puan tawh ang angin Private Hospital-a awmte pawhin an thisen mamawhte a thlawna an dawn theih nan leh tun hnaia thisen sawngbawlna an lo lak tawhte chu pe kir leh vek se an duh tih an sawi.
