Kumin kum tawp lama Mizoram Assembly inthlanpui neih tura hman tur Electoral Roll thar chu siam peih a ni a, Chief Electoral Officer, Pu SB Sheshank chuan vawiin khan Electoral Roll thar hi ama pisa-ah a tlangzarh.

0
281
views

 

Kumin January ni 1-a kum 18 tling chin, ram khualehtui dik tak laa Electoral Roll thar siam takah hian Mizoram pumah vote nei mi 7,68,181 an awm a, heng zinga mi 3,74,496 chu mipa an ni a, a bak 3,93,685 chu hmeichhia an ni. Mipa aia hmeichhe tamna hi 19,189 a tling a ni. Electoral Roll hluiah khan vote nei awm zawng zawng chu 3,60,307 an ni a, Electoral Roll thar siam taka vote nei zat punna chu 7,878 a tling a ni. District hrang hranga vote nei zat chu Aizawl District-ah 2,88,322, Lunglei District-ah 1,04,930, Champhai District-ah 84,770, Lawngtlai District-ah 80,120, Mamit District-ah 65,069, Kolasib District-ah 57,157, Serchhip District-ah 48,970 leh Siaha District-ah 38,843 a ni.

Polling Station awm zat pawh 1,164 a tling ta a, hemi hmalam hian 1,151 a ni a, tun \umah hian 13-in a pung a ni. Election Commission dan siam angin thingtlanga Polling Station pakhata vote nei mi 1,200 aia an tam chuan Polling Station siam belh a ngai a, khawpuiah Polling Station pakhata vote nei 1,400 aia an tam chuan Polling Station siam belh a ngai bawk a ni. Chief Electoral Officer, Pu SB Sheshank chuan Electoral Roll ennawn hna hi kumin July ni 31 khan \an a ni a, hei hi zawhfel hun tura ruat vawiinah tluang taka zawhfel a ni tih a sawi a ni.

Zawhna chhangin Mizoram Assembly inthlanna neih turah Tripura Bru Relief Camp-a awmte an Camp-ah kalchilha vote thlak tir an ni dawn tawh lo niin a sawi a, hemi chungchangah hian Election Commission chuan thutlukna a siamfel tawh niin a sawi a ni.