Kumin kum tira Bairabi Zophai hmuna Mizo Zirlai Pawlin Zofate Chawlhbuk sak an tum chungchanga Assam Police kut tuar te puala MZP-in Vehbur a khawn a\anga an sum dawn chu vawiin khan Assam Police kut tuartute hnenah pek a ni.

0
483
views

 

Hemi puala inkhawm tawi MZP General Hqrs. Conference Hall-a neihah an pawl President, Pu L Ramdinliana Renthlei chuan Mizoram leh Assam inri-na chinfel a nih theih nan thisen chhuak leh lung ina khung ngai hial khawpin NGO angin theihtawp chhuah ni \hin mah se thutawp siam theitu chu sorkar a nih avangin hemi chingfel thei sorkar neih a pawimawh hle nia sawiin Mizoram leh Assam ramri chinfel a nih thuai theih nan MZP-in tha a thlah lova, hma a la chhunzawm zel dawn niin a sawi bawk.

MZP-in Assam Police kut tuarte zangnadawmna tura pawisa a khawn tlingkhawm hi Rs. 5,44,381/- a ni a, tun \umah hian pawisa faiin mi 32 hnenah zangnadawmna an pe a, Bairabi YMA hnenah Dekchi lian 4, mimal Dekchi an hman sak Dekchi lian 4 lei a ni a, Commercial gas cylinder leh Bairabi khawtlang mutbu 20 man an hlan bawk. Inkhawm hi an pawl Vice President, Pu Vanlal\ana’n a kaihruai a ni.