Kumin kumtawpa Mizoramin Assembly inthlanpui a hmachhawn turah Mamit District Dampa biala ding turin Pu Lalrinzuala Chawngthu ruat a ni tih PRISM President, Pu Vanlalruata’n a puang.

0
201
views

 

PRISM Party hian Campaign beihpui thlak nana Street Campaign an neih chu vawiin khan Dampa bial chhunga West Phaileng khuaah an chhunzawm a, campaign \an hmaa inkhawm tawi neihah PRISM General Secretary Pu Lalrinzuala Chawngthu chu an party Ticket-a he biala ding tur a ni tih a puang a ni. Pu Vanlalruata chuan, tun hnaia Mizoram hmun hrang hrang an fankualnaah kawngpui \ha tia sawi tur a awm mang lo nia sawiin, Budget-ah kawng siamna tur sum a awm a, ziaka a lan danah chuan kum khatah kilometer khat zelah cheng nuaikhat singnga chuang kawng chhe lai thawm\hat nan sum a awm chunga kawngpui a chhe reng tho chu thil inhmeh lo tak a ni, a ti a. An Party-in thuneihna a chang a nih chuan kawngpui enkawl chu mimal leh pawl kutah hlan a ni ang a, khaw kai kawngte chu a khaw neituten an enkawl tawh dawn avangin a \ha em em tawh dawn niin a sawi.

Dampa biala ding tura ruat Pu Lalrinzuala Chawngthu chuan, a dinna tur bial chu a seilena bial a nih avangin an bial tan nasa zawka hma a lak theih a beisei thu a sawi a. A behchhan chu party chu party ding thar mah ni se, a taka hnathawk duhtu an nih avangin an bial mipuite chu a laka rinna nghat a, an vote pe vek turin a ngen a ni.