Kumin November thlaa US President thlanna neih turah Joe Biden chu Democratic aiawha chuh thei turin a in vawrh sang zel a, Candidate a nih chuan President Donald Trump-a khin thlak a tum dawn a ni.

0
330
views

Vice President hlui Biden hian Thawhlehnia primary voting neihah khan Michigan-ah hnehna a chang a, a elpui Senator Bernie Sanders chu hnehin hma a hruai a, Michigan bakah hian state 5, Washington, Missouri, Mississippi, Idaho leh North Dakota-ah pawh primary hi neih a ni bawk a, Missouri, Mississipi leh Idaho-ah Biden chuan Sanders chu a hneh vek a ni.

Democrats inthlanpui kar thar maia neih turah palai 577 te chu an inpeih tawh a, president chuh thei tur hian candidate chuan thlawptu palai 1,991 a mamawh a ni. Thawhlehnia inthlanna neih hma khan Biden chuan thlawptu mi 648 a nei a, Sander chuan thlawptu mi 563 a nei bawk.