Kumina Lok Sabha inthlanpui neih tura inpuahchahna chi khat atan Google News Initiative-in vawiin khan Aizawla thuthar thehdarhtute tan dik leh rintlak zawka thuthar ziak dan zir hona a buatsaih.

0
168
views

Hetah hian Google aiawhin Mizoram University Mass Communication Department-a Asst. Professor, Dr. Irene Lalruatkimi’n thil pawimawh hrang hrang a sawifiah a, photoshop hmanga thlalak siamchawp thehdarh chu mimal tihhmingchhiat nan \um engemawzat hman a ni tawh nia sawiin, ramchhung hmun \henkhata thuthar thehdarhtu \henkhat chuan social media-a thlak siamchawp an hmuh chu finfiah lova an chhuah chhawn tawh thu leh hei hi thil \ha lo tak a nih avangin social media a\anga an dawn thil engpawh an chhuah chhawng dawn a nih chuan a tak a nih leh nih loh finfiah hmasak a pawimawh tih a sawi. Dr. Irene Lalruatkimi chuan, Youtube chu hman thiam a nih chuan \angkai taka hman theih a ni tih sawiin, youtube hmang hian tualchhung \awngin rang zawkin thuthar a thehdarh theih a, hei hi Mizoram thuthar thehdarhtute pawhin hman \angkai tum thei se, kumina Lok Sabha inthlanpui neih turah pawh rang zawkin thuthar an thehdarh theih phah a beisei tih a sawi. Thuthar thehdarhtute chu Politician leh Sorkar Official hnimhnaitu an nih avangin Internet an hman kawngah an fimkhur a \ul tih sawiin, Social media-a site hrang hrang leh e-Mail an hmannaah pawh password him tak zel chauh hmang turin a chah a, hei hian an account a\anga thil pawimawh rukchhuah kawngah a venghim thei dawn niin a sawi a ni.