Kumina Mizoram Assembly inthlanna neih turah pawl pathum – PRISM, Mizoram Chhantu Pawl leh Operation Mizoram ten thawh ho an tum tih an puang.

0
313
views

He thu hi vawiina Upper Republic-a Prism Party Pisa-a thuthar lakhawmtute a kawmnaah Operation Mizoram Convener, Pu Vanlalhmuaka Kawlni chuan a puang a, Prism party chu kawng hrang hranga hminghliauna la nei lo an nih avangin an tha tichak tura \anpui chu an remti tih a sawi a. Hmasawn turin hna hrang hrang thawh te, kawngpui \ha neih te, in chhawng sang tak tak sakte chu pawimawh bawk mah se, hnam innghahna lungphum chu a nghin tlat si chuan awmzia a awm loh avangin ram leh hnam himna atana hmalak chu an thil tum ber a ni a. Politics kalphungah hmanlai tih dan hlui, ram tana \ha tawh lo kalsana, thih dan thar \ha zawng a pian theih nan kawng hrang hranga hmingchhiatna la nei lo Prism Party chu ram leh hnam khaichhuak turin an thawhpui dawn tih a sawi. Pu Vanlalhmuaka Kawlni chuan, Pawl 3 \ang ho tur hian inthlan hmachhawn bakah hmachhawp lian tak tak 3 an nei tih a sawiin, chungte chu Mizoram leh

Assam ramri chinfel te, Mizoram leh hnam himna tur atana Sixth Schedule a awm leh a, Autonomous Tribal State of Mizoram a kir leh tura hmalak leh

Mizoram chhunga dan lova awm hnamdang leh Foreigner-te umchhuah nan dan rorelna hmachhawn tira, ram then thianghlim a nih theih nan leh Mizoten ram danpui hnuaia an chanvo an chan ngei theih nan The Scheduled Castes and The Scheduled Tribes (Prevention of Atrocities) Act, 1989 chak zawka hman a ni a.

Tuna Mizoram dinhmun chu hnam anga a mualphothlak an tih thu leh kum 1972-a Mizoram, Union Territory a hlankai a nih khan chhimlama Autonomous District Council pathum tih loh Mizoram hmun dang zawng chu Tribal hlang awmna ni chungin Sixth Schedule-a Tribal area a\anga thai bo a ni a. He Sixth Schedule hi ram leh hnam himna leh din khawchhuah nan dan anga neih let a ngai an ti a, chumi atan chuan theihtawp an chhuah dawn tih Pu Vanlalhmuaka Kawlni chuan a sawi.

Zawhna chhangin pawl pathum hotute chuan, an kal zel dan tur leh inthlana symbol an hman tur chu an pawl thuneitu sangin a la rel tur a nih thu an sawi a. An hmalakna tuipuitute tan eng lai pawha zawm theih reng an ni tih an sawi.