Kuthnathawktu inzawmkhawm pawl, All Mizoram Farmers Union AMFU in kuthnathawktute ngaihthahah sorkar puhin, an thil phut nawr nan kawngzawh an tintuah.

0
223
views

 

AMFU hruaitute hian vawiin khan Aizawlah chanchinbumite kawmin Mizorama kuthnathawktute hmasawnna tura thil pawimawh hmasa, ram neih dan phung siam\hat, Land Reform kalpui tur leh thlai thar hralhna chungchanga dan siamfel tawh Agriculture Produce Marketing Control (APMC) Act a taka hmang turin hun rei tak sorkar an lo nawr tawh tih an sawi. Sawrkara an thil phutte a hlawhtlin ngei theihnan karleh Zirtawpni September ni 28 khian Aizawlah “Mizoram Kuthnathawktute Chhanchhuahna kawngzawh” neih an tum tih an sawi a, Mizoram hmun hrang hranga loneitute tel turin an sawm tih an sawi.

AMFU hruaitute chuan ei leh bara Mizoram a intodelh theihna turin kalphung thar, Policy rintlak tak Green Revolution Mizoram Movement (GRMM), the new Economic Policy, 2014, tia vuah an buatsaih chukum 2014 November thla khan Chief Minister Pu Lal Thanhawla’n a lo tlangzarh tawh tih an sawi a, tlangzarhna inkhawmah hian GRMM policy chu tihlawhtling tura theihtawp an chhuah tur thu Chief Minister chuan a sawi a ni an ti. GRMM ah hian ah hian ram leh hnam intodelhna tura pawimawh hmasa thil pahnih – thlai thar hralhna tur, Agriculture Marketing System \ha a awm theih nan APMC Act, kum 2008-a Mizoram Assembly in a lo pass tawh chu a taka hman rawt a ni a, ram neih dan phung mumal zawk a awm theih nan Land Reform kalpui tura rawt a ni bawk tih AMFU General Secretary Pu Zion Lalremruata chuan a sawi a, heng thil ti hlawhtling tura sorkar an nawrna chuan awmzia a nei thei lo a, nikum April thlaa Chief Minister hova an \hutkhawm \umin Chief Minister chuan Commerce & Industries Commissioner chu APMC Act hmang thei turin thla hnih chhunga rules siam turin ti mahse, kum a vei hnuah pawh hmalakna a awm chuang lo a ni a ti.