Labour, Employment, Skill Development & Entrepreneurship changtu Minister Pu Lalchhandama Ralte in Mizoram Building & Other Construction Workers Welfare Board sum MUP tan leh Concert na atana pek chhuah awm nia sawi chungchangah sum an pek chhuah dan a hriat loh thu house a hrilh.

0
60
views

Vawiin Assembly rorel inkhawm, zawhna leh chhanna hunah Pu Chhantea chuan, sum pek dan hi administrative cost a\ang engemaw remchang pe nge an nih tih a hriat loh thu a sawi a, sum pek chhuah theih dan chu chi hrang hrang a awm thu sawiin trade union te pawh awarness campaign buatsaihna tur pek chhuah \hin an ni a ti a, sorkar hmasa hunlai a\angin thawnthu ngaihnawm tak a awm thu sawiin lehkha pawimawh bo \hen anga lang a awm avangin an fimkhur hle tih a sawi a, member ten a hmunah enho an duhna chu engtiklai pawhin \ha a tih reng thu a sawi a. Labour ten an chanvo an chan ngei chu sorkar duhdan a ni a ti.

Pu Chhantea hian, Mizoram Building & Other Construction Workers Welfare Board-a inziak lutte chu an fate zirna senso phuhrukna tur te, damdawia inenkawlna senso te, ramtuileilova an awma chhawmdawlna te, an luman te, nupui pasal inneih \anpuina te, nau neih \anpuina te leh pension ang chi te pek theih an nih thu a sawi.

Kum 2018 Decmeber atanga kumin January inkar chhungin Labour Cess Rs 27,13,29,386 hmuh a ni tawh a, hemi hun chhung hian Rs. 28,22,44,951 hman ral a ni tawh tih Pu Chhantea hian house a hrilh a ni.

Minister in zawhna a chhan zawh hnu hian inkhawm kaihruaitu Speaker Pu lalrinliana Sailo chuan, he thil hi a hriat chian thu a sawi a, labour te chanpual tur pawisa chungchanga buaina awm chu pawi a tih thu sawiin sorkar hmasaah Minister leh MYC Chairman in an banphah a, a pawi hle a ni a ti a, a changtu Minister chu en ngun turin a ngen a ni.