Lahore High Court-in Pakistan PM insawifiah turin ti

Lahore High Court-in Pakistan PM chu dan hmanga rorelna sawi chhiaaa puh a nih chungchangah insawifiah turin a hriattir. Lahore High Court-ah hian ukil, Azhar Siddiqi chuan thu thehl<tin, PM, Shahid Khaqan Abbasi hian Panama papers chungchanga court thuchhuak chu thil n>p leh zahpuiawm tak niin a sawi niin a sawi a, hei hi court zah lohna leh sawi chhiatna niin a sawi a ni. A thehluttu hian Justice Shahid Kareem-a hnenah, hetiang thu, PM-in a sawi hi ngaih thiam theih a nih loh thu leh, dan hmanga rorelna sawi chhiatna niin a sawi a, PM hmasa, Nawaz Sharif leh a fanu, Maryam pawhin court sang ber chu ualau takin an sawisel a, roreltute pawh an sawi chhe bawk a, mipuite rilru hneh nan dan hmanga rorelna chu an tibawrhbang niin a sawi bawk. Hetiang bawk hian PM, Abbasi hian dan hmanga rorelna chu a sawi chhe ve leh ta nia sawiin Azhar Siddiqi chuan, PM a nih dawna a thutiam a bawhchhia niin court chu a hrilh a ni. He ukil hian Abbasi chu court zah lohna thubuai siamsak turin a ngen a, PM-in dan hmanga rorelna a sawi chhiatna hi theh darh a nih loh nan Pakistan Electronic Media Regulatory Authority pawh hriattir turin a ngen bawk. Court chuan PM, Shahid Khaqan Abbasi, Pakistan sorkar leh Pemra hi hemi chungchanga sawi duh an neihte sawi turin a hriattir a, Thawh\anni khian he thu hi ngaihtuah leh tur a ni.