Lai Autonomous District Council Budget Session ni li chhung awh chu vawiin khan zawhfel a ni.

0
282
views

He Session-ah hian LADC-in thla li chhunga sum a hman tur cheng nuai 6416.66 leh 2018-2019 chhunga sorkar sum indaih lohna phuhrukna tur, supplementary demand for grants cheng nuai 2956.68 pass a ni a, Official bil panga, The LADC (Entry of Goods into Market Tax) Regulations 2019, The LADC (Entertainment Tax) Regulation 2019, The LADC (Establishment & Management of Elementary School Education) Regulation 2019, The LADC (Marriage & Divorce) Bill 2019 leh The LADC (Inheritance of Property) Bill, 2019 te House ah passed a ni a, House a chhantur zawhna lut pasarih te chhan hman vek a ni a, Lawngtlai-III bialtu MDC, MNF Member Pu T.Lalengmuana putluh, ‘LADC hian Sport Policy mumal tak neih ve ni rawh se, LADC in a ti’ tih chu sawiho a nih hnuah hnawl a ni.

Vawiin Session tawp ni, LADC Chairman, Pu V. Zirsanga kaihhruaiah Chawngte ‘P’ bialtu MDC, MNF Member, Pu Andrew Laltlanzara’n kumin March ni 1-a Lungzarh\um Sele thia chhar chungchang a zawhna chhangin, Executive Member, Forest, Environment & Climate Change changtu Executive Member, Pu KC Malsawmdawngliana chuan, Sele thihchhan tak hi hriat a la nih loh thu leh Police-ah FIR thehluh a ni a, chhui chian mek a ni, a ti. Hemi hnu hian Chairman Pu V.Zirsanga chuan tiamchin awm lovin \hutkhawm chu a titawp ta a ni.