Lai Autonomous District Council hnuaia Village Council inthlanna-ah vawiin khan mipuiten vote an thlak a, Sabualtlang khuaah Congress Party mi leh sa ten lungawi lohna an neih avangin hun rei tak chhung vote an thlak duh lo.

0
216
views

Lawngtlaia ZONET Reporter, Pu Lalchharliana sawidanin campaign hun a tawp hnu nizan khan Sabualtlanga MNF Candidate, Pruno Chondro MDC hlui chuan MNF mi leh sate a inah kokhawmin, sawhchiarte an siam a, zan dar 1-ah pawh an la awm khawm niin Congress mi leh sa te chuan an sawi a, hetah hian tunhma lama Tuikuk te inthawina chikhat buatsaihin congress candidate an vote emaw, an chhungte zingah congress candidate vote an awm emaw anih chuan an chungah thil \ha lo tak a thleng dawn nia sawiin an vaubet niin an sawi. Sabualtlang Congress Unit te hi tukin khan inhmukhawm nghalin, an chhung leh khat, MNF Party-a awm pawhin an Vote ngam dawn loh avangin an tan vote thlakin awmzia a awm dawn lo niin an sawi a, inthlan buaipuitute leh magistrate duty te ngenna avang leh hetianga hma lo latu hi koh a, thil awmzia zawhfiah an tum thu an hrilh hnuah congress mi leh sa te hian chawhnu dar 2 a\ang khan vote hi an thlak ve \an ta chauh a ni. Voters 257 awmna Sabualtlangah hian VC Seat 4 awmin, MNF leh Congress Party te an in bei ber a ni.

LADC huamchhungah hian khaw 95-ah VC Seat 469 a awm a, candidate 1,157 an awm a, Candidate zingah hian hmeichhe tana seat hauh 95 a awm a, a bak seat 374 chu hmeichhia leh mipa thliar lova chuh theih a ni. Vote tla te hi tlai dar 5 a\anga chhiar \an nghal a ni.