State Election Commission kaihhruaina hnuaia LADC Village Council General Election neih turah hian khaw 95-ah VC Seat 469 a awm a, heta chuh tumte hi mi 1,157 an ni. Candidate zingah hian hmeichhe tana seat hauh 95 a awm a, a bak seat 374 chu hmeichhia leh mipa thliar lova chuh theih a ni.
MNF-in Seat awm zawng zawng 469 chu an chuh kim vek dawn a, Indian National Congress-in Seat 422, leh BJP-in Seat 16 an chuh dawn a, Independent-a chuh tum mi 252 ten hming an pe lut bawk.
Independent Candidate tamna ber khua, hmeichhe seat nena member panga awmna Hruitezawl khuaah Independent Candidate 13 an awm a, he khuaah hian INC chuan candidate an siam lova, MNF leh Independent Candidate te chu inbei turte an ni. LADC Area-a VC thlanna neih rual hian Chakma Autonomous District Council hnuaia khaw parukah VC bye election neih a ni dawn bawk.
LADC-ah hian Congress Party-in ro a rel mek a, LADC huamchhunga Assembly bial pahniha Lawngtlai West chu Congress bial niin, Lawngtlai East chu MNF bial a ni thung. Hetiang boruak karah hian VC inthlanna tur boruak hi a lian hle a, Party lian MNF leh Congress Party te chu inbei hle tura ngaih an ni. Naktuk zing dar 7 a\angin vote thlak \an a ni ang a, tlai dar 4-ah zawhfel tum a ni ang. Vote tla te hi Booth tinah chhiar zui nghal tur a ni.
