Lai Autonomous District Council LADC huamchhunga Village Council inthlanpui neih hun tur leh CADC huamchhunga Village Council Bye Election neih hun tur State Election Commission in a puang a, May ni 8 ah vote thlak a ni ang.

0
306
views

State Election Commission a\anga thudawn danin inthlan hun puan a nih rual hian election model code of conduct pawh hman \an nghal a ni a, inthlan leh a kaihhnawih thil engkim
zawhfel hun tura ruat May ni 17 thlengin model code of conduct hi hman a ni ang.

Lai Autonomous District Council huam chhungah hian village council 95 awmin, heng village council-a member tur 469 thlan chhuah an ni dawn a, chungte chu mipa 374 leh hmeichhia 95 an ni ang. Hetihruala bye election neihna tur CADC huamchhunga VC 6 ah te hian member 12 thlan chhuah an ni ang a, chungte chu mipa 11 leh hmeichhia 1 an ni ang.

Nimina inthlan hun tur puan chhuah a nih rual hian heng inthlan-a chuh tumte tan hming pek luh theih nghal a ni a, hming pek luh theih hun hi tun thla ni 24 chawhnu dar 3 thleng hawn a ni ang a, chungte chu ni 25 chawhnu dar 1 leh dar 3 inkarah endik an ni ang a, inhnukdawk leh duhte tan ni 26 chawhnu dar 1 thleng hun hawn zui a ni ang a, candidate te symbol chu April ni 27 ah chinfel a ni ang.

Inthlanna-ah hian May ni 8, zing dar 7 leh tlai dar 4 inkarah vote thlak a ni ang a, vote thlakna khawl hmang lovin ballot paper hmanga vote thlak a ni ang a, vote thlak zawhfel rualin vote tla te chhiar nghal a ni ang. VC thlan thar te hi May ni 14 ah chuan executive body insiam fel vek hman tawh tura ruahman a ni a, inthlan kaihhnawiha tih tur \ul zawng zawngte chu May ni 17 ah chuan zawhfel vek tawh tur a ni.