Lai District Congress Committee chuan Lawngtlai Bazar Venga an party office chu vawiin khan kumin atan an khar a, nakkum January ni 21-ah hawn leh a ni ang.

0
225
views

Kharna inkhawma thusawitu Lai Autonomous District Council-a Chief Executive Member, Pu T. Zakunga chuan Mizoram Assembly inthlannaah an chak zawh tak loh avanga beidawnga kun mai tur an ni lo tih hriaa, inthlahdah lova \an la zui zel turin party mite a fuih a, MDC te pawh rinawm taka awm zui zela mahni party chhuahsan duhna rilru pu lo tur leh thlaphang lo turin a fuih a, lalna leh thuneihna chu Pathian thu thu a ni tih hre renga a rem tih hun nghak turin party mite a fuih a ni.

He inkhawmah hian MLA hlui MPCC General Secretary, Pu H. Zothangliana pawhin thusawiin Lawngtlai West biala Pu C. Ngunlianchunga tling chu a lawmpui thu te, Lawngtlai East bialah amah chu tling zo ta lo mahsela, an party mite thawhhona a \hat avanga a lawmthu te a sawi a ni. Thusawitu dang Lai District Congress President, Pu J. Ropianga Chinzah chuan tuna an chak lohna chu chakna thar petu tura \an lak nan leh \anrual nan hmang turin party mite a fuih a ni.