Lai District Congress Committee leh Lai Autonomous District Council-a Congress Legislature Party chuan vawiin khan a huhova inkhawm Lawngtlai Circuit House-ah neiin Lai Autonomous District Council Congress sorkar leh Mizorama Congress sorkar te rintawkna resolution an pass

0
665
views

Lai District Congress Committee leh Lai Autonomous District Council-a Congress Legislature Party chuan vawiin khan a huhova inkhawm Lawngtlai Circuit House-ah neiin Lai Autonomous District Council Congress sorkar leh Mizorama Congress sorkar te rintawkna resolution an pass a, Mizoram sorkar, Pu Lal Thanhawla kaihhruai leh Lai Autonomous District Council, Pu T. Zakunga kaihhruai sorkar hi kan ring tawkin, \ha kan ti a, a tawp thlengin kan thlawp zel ang tih resolution an pass a ni. He meeting hi Lai District Congress Committee President, Pu J. Ropianga Chinzahin a kaihruai a ni. He meeting-ah hian Lawngtlai District-a Assembly bial awm zawng zawng pathum zinga pahnih, Lawngtlai East leh Lawngtlai West te chu Mizoram Assembly inthlanna neih hunah Congress Party candidate ten an chan leh ngei an beisei thu an sawi a, election campaign neih dan tur rel nghalin an party tihchakna tura inthlahdah lova thawh zui dan tur an rel a ni.