Lairam Isua Krista Baptist Kohhran Rorelna sang Assembly vawi 20-na chu Lawngtlai Bazara Centre Church-ah Nilaini a\ang khan neih \an a ni a, Pathianni zan thleng a awh ang.

0
1254
views

Assembly \an zanah mikhual lawmna leh Assembly hawnna inkhawm neiin, Assembly thupui ‘Ram chu Lalpa ta a ni’ tih chu hawn nghal a ni a. Nimin khan Rorel Inkhawm neih \an a ni a, Assembly Chairman, Upa F. Sangdawna’n a kaihruai a ni. Inkhawmpuiah hian Agenda 38 a lut a, heng zingah hian Kohhran inenkawlna dan Constitution an hman mekah thil chi li tih danglam rawtna a lut a, Mission Field pathum Manipur, Odisha leh Mising te chu 2019 atang chuan Regional Director in enkawl tawh se tih leh Regional Director chu Kolkatta ah thu in, Heng Field pathuma Field Director awm mekte chu tih tawp ni nghal se tih rawtna te, Assembly hnuaia Pastor leh Minister Pension-a chhuakte rawih nawn tawh loh rawtna te, Nupui Pasal nei tawh, Kohhran Hriatpuina Certificate nei lote chu Pathian thuzir turte, Upa atan te, Rawngbawltu atan te lak leh thlan tawh loh rawtna te chu Agenda langsar zual a ni. Vawiin khan kum 2019-2022 chhung atan General Secretary leh Associate General Secretary 2 an thlang a ni.
LIKBK Assembly-ah hian kum 2019-2020 chhunga sum ruahman Rs. 19,20,00,000/- pawm a ni. Kum 2019-2022 chhunga LIKBK Assembly Chairman atan Rev. H. Lalsangliana thlantlin a ni bawk.

LIKBK Assembly hi Australia, USA, Canada, South Korea leh Chin Hills Myanmar te bakah Bangladesh, Manipur leh Odisha atangin palai \hahnem takin an chhim a, Presbyterian, BCM, leh ECM a\angin palai an kal bawk. Lairam Isua Krista Baptist Kohhranah hian tun dinhmunah
Tualchhung Kohhran 117 a awm a, Kohhran Member 29,277 an awm mek bawk.