Laloo Prasad Yadav kum thum leh a chanve tang turin ti

0
423
views

Bihar CM hlui, Laloo Prasad Yadav-a chu CM a nih laia ran chaw leina tur pawisa tihchingpen thubuaiah kum thum leh a chanve tang tur leh, cheng nuai 10 chawi tura tih a ni. Ranchi-a CBI Special Court-in Inrinni tlaiah khan a thuchhuak hi a puang a, a hmain sorkar pawisa, cheng nuai 89 vel tihchingpen thubuaiah hian thiam loh a lo chantir tawh a ni. Court thuchhuak puan a nih hnuah hian a fapa, Tejashwi Yadav-a chuan Rashtriya Janata Dal hruaitute ko khawmin, High Court-ah bail an dil tur thu a sawi. Laloo-a hi Ranchi-a Birsa Munda Jail-ah khung a ni a, a rual hian mi dang 7 pawh kum thum leh thla ruk tang tura tih an ni a, kum 69 mi, Lalu hian a hriselna a \hat tawk loh avangin a chunga hremna tihnep a lo dil lawk tawh a ni. Lalu-a lung ina khung a nih hnu lawkah hian a farnu neih chhun, Gangotri Devi chu a thi a, a u vui tur hian a chhungte chuan Lalu-a chhuah lailawk an dil nghal a, a fapa, Tejashwi Yadav chuan hetiang tihfel chhung hi a rei avangin, a farnu vui tur hian a pa hi a chhuah hman a rinawm loh thu a sawi. Lalu Yadav-a chuan he thubuaia thiam loh chantir a ni chu politics-a phuba l^kna niin a sawi a, BJP duh danah chuan, anmahni lam\ang lo apiang chu hrem tur tih nia sawiin, he duh dan zawm ai chuan dikna leh intluk tlanna thuthlung vawn tlat a, thih chilh hial pawh a duh zawk thu a sawi a ni.

Lalu Yadav-a hi December ni 23 khan ei r<k dona dan tlawh chhanin, he thubuaiah hian lehkha lem, mi hming ziahsak leh thil dangah thiam loh chantir a lo ni tawh a, he thubuai hi kum 1990 leh 1994 inkara Deoghar district treasury a\anga dik lo taka cheng nuai 89 vel lak chhuah chungchang a ni a, he thubuaiah hian kum 1990 leh 1997 inkarah khan a vai phei chuan cheng vbc. 970 vel tihchingpen nia hriat a ni. He thil kaihhnawihah hian Lalu Yadav-a hi thubuai panga zinga pahnihah thiam loh chantir a ni a, kum li kal taah pawh khan kum 5 tang tura tih a ni a, thla hnih a tan hnuah Supreme Court-in bail-in a chhuah a ni. Khatih lai khan Jharkhand CM chu a thawhpui, Hemant Soren a nih avangin Lalu Yadav-a hi lung in chhungah pawh nasa taka duhsak a ni a, CM pawh hian a tlawh \hin a ni. Tunah erawh chuan Jharkhand-ah hian BJP-in thuneihna an chan tawh avangin duhsak theih a nih a rinawm tawh lo a ni.