Lalu Prasad Yadav-a fapa bengtu lawmman pek tiam

0
384
views

BJP hruaitu pakhat, Anil Sahni chuan nimin khan Rashtriya Janata Dal hruaitu leh Bihar CM hlui, Lalu Prasad Yadav-a fapa, Tej Pratap Yadav-a bengtu apiang chu lawmman, cheng vbc 1 p>k a tiam a, state BJP erawh chuan Sahni-a thil sawi hi an dem thu leh an party-in a hriatpui loh thu an sawi a, a thil tih dan mawi lo tak avang hian hrem a nih tur thu an sawi a ni. Anil Sahni-a sawi dan chuan, Pu Lalu-a fapa hian state Deputy CM, Sushil Kumar Modi-a chu a in chhunga sawisakah a vau a, hetiang chian hian Yadav-a pawh hi an vau let ve tur thu leh, Pu Sushil Modi-a laka thupha chawi tura nawr an tum a ni. BJP hruaitu hian nikum December ni 3-a thil thleng, video thlalak pakhata state minister hlui, Tej Pratap Yadav-a’n Deputy CM fapa nupui neihnaa an chenna in ngeia kut thlaka a vauna chu a thinurpui nia hriat a ni a, Yadav-a thil tih dan avang hian Pu Sushil Modi-a pawh a lungni lo hle a, Pu Lalu-a pawh a fapa hi khuahkhirh turin a hrilh nia sawi a ni.