Land Resources, Soil and Water Conservation-in Guwahati-a Rubber chin dan zir tura a tirh kuthnathawktu mi 20-te chu vawiin khan he Department Secretary, Pu Sangdingliana’n a vailiam.

0
232
views

Hemi puala inkhaw tawi, Treasury Square-a Land Resources, Soil and Water Conservation Pisa kawta neihah Pu Sangdingliana chuan, kuthnathawktute chu Mizoram aiawh an ni tih hria a, Training an neih chhunga rilru leh tihtak zeta zir turin a chah a. Nakin zelah pawh midang zirtir chhawng tur an nih angin, thiamna tak tak puakchhuah tum turin a chah a ni. Rubbers Trainer Training hi Sorkar hmasa hun laia NEDP a\anga sum hmuh hmanga buatsaih niin, hetiang Training hi vawi 5 buatsaih a ni dawn a. Tun hi a bul\anna niin, hetah hian Mamit leh Kolasib District-a Rubber chingtu mi 20 thlan phawt an ni a, training hi ni 5 chhung neih tur niin, Guwahati Rubber Board hnuaiah Rubber chin leh a kaihnawih thil pawimawh chi hrang hrang an zir dawn a. A thawh 2-na chu karleh inrinni hian tirchhuah an ni leh dawn a ni.

Guwahati-a Rubber chin Training tura tirhte hi Trainers Training tura tirh an nih angin, Mizorama an lo haw leh hnuah pawh an awmna khua leh a chhehvela Rubber ching duhte hnena zirtirna pe chhawng leh tur an ni a. Guwahati-ah hian hemi atana thil pawimawh hrang hrang an zuk zir dawn a ni.