Land Revenue and Settlement Minister, Pu Lalruatkima’n Chakma Autonomous District Council huam chhungah Chakma ni lo tan inhmun lo ram neih theih lohna dan siam a awm lo tih ZPM Leader, Pu Lalduhoma zawhna chhangin House a hrilh.

0
427
views

CADC huam chu Mizoram chhunga awm a nih angin an huam chhungah Chakma chauh ni lo Mizo leh Bru \hahem tak an awm a, chung mite hnena inhmun leh huan lo ram Pass pek chu Council sorkar kuta awm a ni a, District Council sorkar chu 6th Schedule hnuaiah an inrelbawlna leh enkawlna atan dan siam theihna thuneihna nei mah se, an dan siamte chu a taka hmang turin Governor-in a pawmpui phawt a ngai a, dan hrang hrang lo siam mah se, Governor-in a pawm phawt loh chuan awmze nei a ni lo tih hriat a ngai a ni, a ti. Pu Lalruatkima chuan, Social Media-a CADC sorkar-in an huam chhunga Chakma ni lo tan inhmun lo ram neih theih lo anga dan siam nia thehdarh chu thu dik tawk lo a ni tih sawiin, hetiang dan hi siam a nih loh nan leh an hmalak dan uluk zawka thlitlai tura Pu Lalduhoma rawtna chu bawhzui a nih tur thu Pu Lalruatkima hian a sawi.