Larsap-in Raj Bhavan-ah sorkar mi pawimawhte a kawm

0
657
views

Larsap, Lt. Gen. Nirbhay Sharma chuan vawiin khan a chenna, Raj Bhavan-ah sorkar mi pawimawhte a kawm a, thiam bik zirna (Skill Development) tih hmasawn dan tur leh Mizoram kawngpui dinhmun a sawipui. He inkawmna, hlawm hniha neihah hian a hmasa zawkah Labour, Employment & Industrial Training, Higher & Technical Education leh Mizoram Youth Commission aiawhte an tel a, Larsap chuan, Mizo \halai lehkhathiam tam tak, hnathawh tur nei lova an awm chu \ha lo a tih thu leh, sorkar hna chu mi zawng zawng tan a indaih dawn lo tih hriat a \ul thu a sawi a. He harsatna su kiang tur hian mahni kut kea ding thei tura inpuahchah a pawimawh thu leh hemi atan hian thiam bik zirna, Skill Development lama nasa lehzuala \an lak a pawimawh thu a sawi bawk. Larsap chuan, Mizo khawtlang nunah chi leh chi inthliarna awm lo mah se, \halai zingah hna thawh duh bik nei an awm chuan an hriat loh hlanin inthliarna a siam theih a hlauhthawn thu pawh a sawi a ni.

Hemi hnu hian Larsap chuan, PWD, Project Pushpak leh National Highways and Infrastructure Development Corporation Limited hotute kawm lehin, Mizorama kawngpui dinhmun hrang hrang a sawipui a. Sorkar laipui a\anga kawngpui siamna tur sum hmuh a tlem \hin avangin duh anga kawngpui enkawl theih a nih loh thu tarlan a ni a. Kaladan Multi-Modal Transit Transport Project, Kilometre 87.18-a thui chu tunah hian zaa 70 thawh zawh a nih thu tarlan a ni bawk.