Vawiin khan Lawipu-a chenna in tur nei lote tana in sak luah tur chhungkaw 233 te tan, an chenna in tur pawh leh tihfel inkhawm neih a ni a. UD&PA Minister, Pu Zodintluanga’n hmanpuiin, khawpuiah chhungkaw 500 chuang, in \ha tak tak sak zawhsak tawh tih sawiin, Lawipua in luah turten an luah tur an pawt chawp chu a cheng turte thlannaah induhsakna a awm lohzia tilangtu niin a sawi. He hmuna cheng turte hian anmahni duh chhung leh an thlahte thlengin an awm reng thei dawn a, tihral erawh chu phal a ni dawn lo tih a sawi bawk. Lawipu-a chenna in tur nei lote tana in sak nan hian cheng nuai 3,403 sen a ni a, chenna in tur 408 a awm a, community centre pakhat a awm a ni.
