Lawngtlai a\anga Lunglei pana kal Home Minister, Pu Lalchamliana zuitu Police Bolero, mi panga chuanna chu tukin dar 8:30 vel khan |awipui North II a\anga km 3 vela hla Lunglei lama kawng thlangah a tlanliam a, a hmunah mi pathum an thi a, mi pahnih dang an hliam.

0
654
views

Thi te hi motor khalhtu Driver Grade II, K. Lalchungnunga kum 47 mi, Armed Veng South, Pu R.Lalnunsanga kum 55, MNF General Hqrs.-a General Secretary, Dinthar Veng leh Pu Ropianga kum 72, Ex-MNA, Tuithiang Venga khawsa te an ni a, an chetsualna hmun a\angin an ruang hi |awipui North II YMA ten la chhuakin puanin an tuam a, kuang siam sakin Doctor te endik turin an buatsaih a, an chetsualna hmunah hian |awipui South Doctor leh hnathawktu dangte pawh an kal a, Lunglei District SP Pu C. Lalthanmawia leh Police dangte pawh an kal a ni. An ruang hi vawiin chawhnu khan Lunglei Civil Hospital-ah Doctor te endik tir a ni a, hemi hnu hian an chhungte hnenah thawn an ni.

Hliam pahnih te chu Pu Lalhmingliana Hnamte, kum 63, Ex-MNA, Chawnpui leh Pu Zaithanmawia, kum 32, Home Minister PA II, Zemabawk vengte an ni a, Lunglei Civil Hospital-a lak an nih hnuah vawiin chawhnu khan Helicopter-in Aizawl panpui an ni. Hliam zingah hian Pu Lalhmingliana hi a na deuh nia sawi a ni a, amaherawhchu, Lunglei Civil Hospital thlenpui a nih hnuah harhchhuak lehin a biak theih nia thudawn a ni. He motor vanduaina tawk chetsualna chhan hi hriat chian theih ni lo mah se steering fail nia rin a ni a, kawng thlang awih sang tak, meter 200 velah a tla a, motor pawh a chhe hneh hle a ni. He chetsualna thleng vang hian vawiin atana Lungleia Home Minister programme hman tur lo duan tawh chu cancel a ni a, Home Minister hian he vanduaina thleng tuartute a tuarpui thu te, \anpui ngaite \anpui kawngah sorkarin a tih theih ang ang a tih dawn thu te a sawi a, Lunglei High Power Committee Vice Chairman, Pu Lalawmawma Tochhawng pawhin he vanduaina thleng tuartute tuam hlawmna atana sum sen ngai zawng zawng a tum sak dawn tih a sawi a, Lunglei South bialtu MLA, Dr. K. Pachhunga pawhin thi ta chhungte cheng sanghnihin a ral bawk.

He chetsualna thleng chungchangah hian MNF Party chuan thuchhuah siamin Home Minister, Pu Lalchamliana zin zuitu motor chetsual avanga thi te an sun thu te, thi ta chhungte an tawrhpui thu leh hliamte an dam leh thuaina turin duhsakna an hlan tih an sawi.

Hetihlai hian ZPM pawhin he chetsualna thleng vanga thi te an sun thu leh an chhungte an tuarpui thu thuchhuah siamin an tarlang a, Pathianin thlamuanin awmpui zel se an duh thu an sawi bawk a ni. ZPM chuan hliam mi pahnihte pawh \ha taka an dam chhuah lehna turin duhsakna an hlan bawk a, vanduaina a thleng tih hriaa anmahni \anpui tur leh chhanchhuak tura theihtawp chhuahtu |awipui North Branch YMA te inpekna chu lawmawm an tih thu an sawi bawk a ni. (Dinga)

Aizawl City Bus Owners Association ACBOA in he chetsualna-a thi ta, Pu R.Lalnunsanga chu an president anih thu sawiin, thinlung takin an sun tih an sawi a, amah sunna lantir nan hian naktuk hian Aizawl khawpuia City Bus service ah te flag dum an zar dawn tih an sawi.