Lai Autonomous District Council-a Deputy Chairman, Pu LR Dingliana Chinzah chuan vawiin khan Lawngtlai AOC Vengah Health Clinic thar a hawng. He Health Clinic hi
National Rural Health Mission hnuaia din a ni a, thusawiin Pu LR Dingliana chuan he Clinic hi mi harsa zawk damdawi in lian thleng pha lo te chuan nasa takin an chhawr \angkai dawn niin a sawi a ni. He Health Clinic hi LADC Area-ah sorkarin pasarih hawn a remtih hnua hawn hmasak ber a ni ta a ni. Hawnna inkhawma thusawitu dang Lawngtlai District Chief Medical Officer, Dr. Thani Pachuau chuan he Health Clinic-ah hian thawktu indaihloh vangin a ngheta hnathawk tur dah theih ni lo mahse, mipuite mamawhna avangin a viltu tur dah tawh niin a sawi a ni. Hawnna inkhawmah hian VC member te bakah kohhran leh veng chhunga tlawmngai pawl hruaitute an tel a ni.
