Lawngtlai Area Mizoram Baptist Kohhran Hmeichhe Pawl in vawiin khan Lawngtlai Bazar BCM Biakinah ruihhlo, HIV/AIDS leh Mihring hmanga sumdawnna leh heng thil hlauhawm laka inven dan tur zirhona a buatsaih.

0
409
views

He Seminar-ah hian Pi Lalnunzami Chawngthu chuan tunlaia Heroin pungchho leh mi tamtakin an chhiatpui mek dan leh inven a tul thu a sawia, Pi R Lalropuii chuan HIV/AIDS darh chak dan leh inven a \ul zia a sawia, tun dinhmunah Lawngtlai District-ah HIV Positive 214 hmuhchhuah an nih thute, inven nan mipat-hmeichhiatna hman diklohna laka fihlim a \ul thute, HIV Positive-te endawng lova hmangaih taka enkawl an tul thute a sawi a ni. Seminar hi MBKHP President Pi F Lalrochamin a kaihruai a, chawhnu lamah Pu Elvis Lalthangzuala’n mihringa sumdawnna in ramchhung hmun kilkhawr ber pawh a then tawh thute, Sokar laipui Act East Policy hman a nih huna Mizoram chu sumdawnna kawngpuiin a pawh dawn thute, chu hun lo thlen hun atan inbuatsaih lawk a \ul thute a sawi a, Kum 2000 a\anga kum 2018 thlengin Mizoramah mihringa sumdawnna thubuai 24 ziahluh a nia, a tuartu mi 38 an awma, hemi kaihhnawihah hian mi 46 man an ni tawh niin a sawi bawk.