Lawngtlai District-a Lungzarh\um rama Sele awm \hin, tun thla ni 1-a Tlangpui rama a ruang chhar chu vawiin khan Bualpui NG YLA Sub Hqrs. President Pu Sangvela hovin Lungzarh\um thlanmualah phum a ni.

0
302
views

He Sele vuinaah hian Lungzarh\um khaw mite leh a chhehvel khaw mite an tel a, kawng zawhin Sele an ui thu leh an lainat thu sawiin, a tihlumtu an dem thu leh man chhuaka dan anga hremna pe turin sorkara thuneitute an phut tih an tarlang a ni. He Sele hi mi kut tuara thi a nih rin a ni a, amaherawhchu, a thihna chhan hriat chian theih a la ni lova, a thihna chhan Laboratory-a enfiah theih nan a taksa them lak chu Aizawla enfiah tura thawn a ni. He Sele thih chungchangah hian mi \henkhat thu zawhfiah mek a ni a, man erawh chu an la awm lo a ni. He Sele hi kum 2016 September ni 15 khan Lungzarh\um ram chhunga Tlangpui ram chhungah hmuh a ni a, Lungzarh\um khuaah Pu Lalcheuva bawngrual zingah engemawchen a awm hnuah Lai District Council hnuaia Environment & Forest Deptt.in enkawl zuiin a kawppui tur Mizo Sepuite an ngaihtuahsaka, chite thlahin sial zingah a khawsa \hin a ni.