Lawngtlai District-a Myanmar ramri depa awm, Bangdukbanga khaw mi, Biranda Kumar chuan rahpuah bomb (Land Mine) a ke vei lamin a rap palh a, a kephah bawr zawng zawng bomb hian a thlawh darh vek.

0
178
views

Lawngtlaia Zonet Reporter Lalchharliana hnen a\anga thu dawn danin Bangdukbanga khua hi Chakma Autonomous District Council Area huam chhunga Tuichawng lui kama awm a ni a, a \hian mipa 3 leh hmeichhia 1 te nen zing kara chawhmeh zawnga an kal laiin Biranda Kumar hian Myanmar leh India inkar ramri lung, Pillar No. 2 bul lawkah bomb hi a rap puak a, tukin khan Lawngtlai District Hospital thlenpuia, thisen Unit 2 pek nghal a ni a, vawiin chhun khan 1st Assam Rifle Ambulance-in Lunglei Civil Hospital panpui a ni. Lawngtlaia Zonet Reporter sawi danin nikum January hi 15 khan Bangdukbanga khaw mi tho, Jitua Tongchongya chuan ramri bulah rahpuah bomb a rah puah avangin a kephah bawr dinglam \an sak a lo ni tawh a, nikum January ni 18 khan ramri depa awm, Kawn khaw mi Pi Khusoma chu bomb chilpuah vangin a lo thi tawh bawk a ni. Rahpuah bomb kamtu hi tute nge tih hriat theih a ni lova, Myanmar Sipai leh Arakan Hel pawlte ramri hrula an inbeihna hmun vela kam a nih avangin tu zawk zawk emaw kam a nih rin a ni. Ramri depa mihring chengte hi dinhmun harsa tak tak, nitina chawhmeh leh eitur zawnga ramhnuaia chhuak \hin an nih avangin ramria nunphung ralmuang lo hian harsatna nasa tak a siam sak a ni.