Lawngtlai East biala Congress Candidate, Pu H. Zothangliana’n vawiin khan Lawngtlai Bazara Aeropagy-ah inthlan campaign a \an.

0
286
views

Hemi hmalama Lunglei lam a\anga Lawngtlai a luhin party mi \hahnem takin lirthei tam tak nen Lawngtlai District ramriah an lo hmuak a, Aeropagy-ah inkhawm neih zuiah thu sawiin Pu H. Zothangliana chuan Lawngtlai District-a hmasawnna hna pawimawh rotling siam zawng zawng deuhthaw chu Congress sorkar tih vek niin a sawi a, hmasawnna tura hmachhawp la awmte \ha taka chhunzawm a nih theih nan Congress Block mipuiten rorel tura an thlan tlin leh a ngai niin a sawi a ni. Pu H.Zothangliana chuan tun hmalam a\anga Lawngtlai khawpuia tui in tur lama harsatna namen lo tawh \hin pawh Congress sorkarin a sukiang ta niin a sawi a, \halaite infiamna tur Central YLA Playground-ah pawh Congress sorkarin phullem a phah sak a, District Hospital Building leh Staff Quarters turte pawh sak mek a ni a, 3rdIR Battalion awmna hmun tur Thingkaha din mek pawh peih fel \ep niin a sawi bawk.

He campaign hawnna inkhawm hi Lai District Congress Committee Sr. Vice President, Pu C. Kapzauva’n a kaihruai a, hetah hian LADC CEM Pu T. Zakunga leh party hruaitu dangte pawhin thu an sawi a ni.