Lawngtlai East bialtu MLA, Pu H. Biakzauva’n CAB chungchanga inchirh-thehna chungchangah mipuiten fimkhur taka thil an thlir thiam a ngai niin a sawi.

0
258
views

Lok Sabha inthlanpui neih tura MNF Candidate, Pu C. Lalrosanga tana a campaign-naah vawiin khan a bial chhung Thaltlang khua tlawhin thu a sawi a, Pu H. Biakzauva chuan, Mizoramah MNF Party anga CAB dodal nasa Party dang an awm bik lo niin a sawi.

Chief Minister, Pu Zoramthanga kaihhruai MNF Sorkar chuan ni rei lote chhungin a thil tih tumte a tihlawhtling chho mek nia sawiin, SEDP pawh tun a\anga hun rei loteah kalpui \an a ni dawn a, hemi atan hian sum pawh cheng vaibelchhe tam tak budget-ah dah a ni a ti. Pu H. Biakzauva chuan, MNF party a awm duhte tan MP inthlanpui neih tur chu an party a luhna hun \ha a ni a ti a, mipuiten ngaihtuahna fim tak hmanga, a hminsa, ei mai theih an thlan thiam a ngai niin a sawi.

MNF MP Candidate, Pu C.Lalrosanga pawhin Campaign beihpui thlakin chhim biala khaw hrang hrang a fang mek a, nizan khan Sangau leh a chhehvel khua a\angin MNF zawm tharte a lawmlut a. Hemi puala Sangaua inkhawm buatsaih chu Lawngtlai East Bialtu MLA, Pu.H.Biakzaua, MNF General Secretary, Pu TC Pachhunga leh hruaitu dang \hahnem takin an hmanpui a ni.