Lawngtlai khaw mi Robi Chondro hmun li-ah silaiin kah a ni

0
773
views

Lawngtlai khawthlang lama Tuichawngtlang khaw mi, Robi Chondro chu Inrinni khan an lo-a hmarcha lo-a a kal laiin silaiin hmun li-ah kah a ni a, a hliam na hle nia thu dawn a ni. Robi Chondro hi Lawngtlaia Lairam Christian Medical Centre-ah enkawl a ni a, silaimu hi a malpui ding lamah a tlang a, a khup veilamah te, a kutzungpui veilam leh a kut zung\angah te kah a ni bawk a, a thih hlauhthawnawm khawp erawh chu a ni lo nia thu dawn a ni. A kaptu hi hriat a ni lova, Myanmar sipai leh Arakan Army te inkahnaa silaimu leng lakin a fuh nia rin a ni. He thil thleng hi a hriat veleh Lawngtlai West bialtu MLA, Pu C. Ngunlianchunga chuan Rs.4,000/- in a kan a, Lawngtlaia kan corr. sawi danin, Tuichawngtlang khua hi Myanmar ramri depa awm a ni a, an khaw ramah lo-a neih tur ram a tlem avangin Myanmar ram chhungah lo an nei \hin a, Robi Chondro-in silai mu a tawnna lo pawh hi Myanmar ram chhunga mi a ni.