MHIP Lawngtlai Sub Hqrs. hruaituten vawiin khan Lawngtlai District Jail-a tangte tlawhin Advance Christmas an hmanpui. Lawngtlai District Jail-ah hian mi 24 an tang mek a, mipa vek an ni. Advance Christmas hmannna inkhawm, Jail hung chhunga neihah BCM Lawngtlai East bialtu Pastor, R. Lal\anpuia chuan Pathian thuchah a sawi a, misualte tlan tura chhandamtu lo piang chu mi tin ta tur a ni tih sawiin, Jail tangte chu krismas lo thleng turah hian anmahni chhandamtu Isua Krista chu hmuh ngei tum tur leh, an lo chhuah hunah nun thara Jail chhuahsan tum turin a chah a ni. He inkhawmah hian Jail tang zaipawlin hla an rem bawk a ni. He inkhawm hi MHIP Secretary, Pi H. Lalrinkimi’n a kaihruai a ni. Chawhnu lamah intihhlimna hun hman a ni a, zaithiamte an zai bakah lam thiamte an lam a, Counsellor, Pi Darbuangpuii chuan Jail tangte chu inpawlna a\anga natna kai theih, STI chungchang a hrilhfiah a, Jail Superintendent, Pu Lallianvuta’n Jail tangte tana MHIP-in Advance Christmas a buatsaih avangin lawmthu a sawi a ni.
