Lebos thliarkara raltlan leh ramdanga pem tum mipui tam tak inhnawhtawt lutuk tihziawm nan Greek Police ten mittui tlakna hlo hmangin mipuite hnawhdarh an tum.

Kum 2016 khan European Union leh Turkey ram hruaituten raltlante khuahkhirh dan turah inremna an siam a, an inremsiamna hnuaiah Lesbos thliarkara zin chu an khap a ni.

Lesbos thliarkarah hian raltlan 2,000 vel an pungkhawm a, an zingah naupang leh nausen te pawh an tel a ni. Lesbos thliarkara Moria bulah raltlan mi 10,000 vel an inhnawhkhawm a, a bul lawk olive grove-ah 1,000 aia tamin riahbuk an sual bawk a ni. Helai hmunah hian mi 3,000 aia tam an leng lo va, mipuite hi an inhnawh luih vangin buaina a chhuak a ni.