Lei châk hlui hmanga Sesawng leh Khawruhlian inkara Tuirini lei dawh that leh tak chu vawiin khan Chalfilh bialtu MLA, Dr. Ngurdingliana’n a hawng.

0
490
views

Tuirini-a thir lei bailey bridge thar dawh lai chu kumin February ni 13 khan a dawh zawh \ep a nih tawhah a chim a, mi pakhat a thih phah a, hemi hnu hian Chhingchhipa lei dawhna hmanraw hlui lakhawmin July thla chawhnu lam a\ang khan PWD Mechanical Division in an dawh \ha leh a, hawn a ni ta a ni. Lei hawnna inkhawm hi Sesawng VCP, Ralthansanga’n a kaihruai a, hetah hian thusawiin Dr. Ngurdingliana chuan, he lei hi tun thla ni 9-a hawn tura ruahman nimahsela, ruahsur nasa avanga a helna lei a chhiat avangin hmanhmawh takin hawn a \ul ta niin a sawi a, he lei dawh \hat nan hian sorkar laipui chuan an sum dil cheng vbc 3 leh nuai 96 Mizoram sorkar a pek thu te, Zero Point a\anga Khawruhlian thleng kawng siam \hat nan cheng vbc 12 leh nuai 71 Mizoram sorkar a pek thu te sawiin, he sum hmanga lei dawh zawh \ep tawh chu vanduaithlak takin a chim niin a sawi a, lei dawh \hat leh tak tuna hawn tak chu a dawl zawh tawk tura PWD-in an bituk aia rit phur motorin zawh lo se a duh thu a sawi bawk. He lei hawnnaa thusawitu PWD EE Pu Lalhmingmawia chuan lei chu metre 62.65 a sei, metre 3.74 a zau niin a sawi a ni.