Leicester-ah bomb puak, mi pali thi

0
631
views

England-a Leicester khawpuiah nimin khan bomb a puak a, mi pali an thi a, midang pali an hliam. Leicestershire Police-te chuan bomb puah chhan hi an la chhui mek thu leh, a firfiaka chetna thila an la chhiar loh thu an sawi a, hliam-te hi damdawi ina enkawl mek an nih thu leh pakhat chu a dinhmun a that vak loh thu an sawi bawk a, bomb puahna-a cheng mi thenkhat chinchang an la hriat chian theih loh avangin, chhanchhuah hna thawh nghal a ni an ti bawk. Bomb hi building pakhata puak a ni a, a nat em avangin a chhe hneh hle bawk a, in bang pakhat tawp hi kawng dungah a invawrh darh tih mita hmutute chuan an sawi a ni.