Lemchan thiam Sridevi Kapoor thi

0
400
views

Bollywood lemchan thiam, Sridevi Kapoor chu Inrinni zan khan Dubai khawpuiah a thi a, kum 54 mi a ni. Sridevi ruang hi UAE lamah post-mortem a nih vangin vawiin lamah India ram thlenpui theih chauh beisei a ni a, a pasal unaupa, Anil Kapoor-a inah a lo hmuaktute an pungkhawm hnem tawh hle a ni. Sridevi hi a pasal, Boney Kapoor leh an fanu nen Dubai-a inneih lawmnaa tel turin an zin a, an thlenna hotel-a inbualna pindanah thi chhawngin a pasal hian a hmu a, damdawi inah hruai nghal ni mahse, a lungphu a chawlh hman tawh avangin, a thih thu puan a ni ta a ni.

Sridevi hi kum 4 a nih atangin lemchan khawvelah a inhmang tan a, kum 50 chuang hnathawkin, lemchan 300 vel a nei hman a, Bollywood mai bakah, Tamil, Telugu leh Kannada tawnga lemchan siamah te pawh a hming a chher nasa hle hman a ni.