Lengpui Airport-a thlawhna service \henkhat tihtawp anih chungchangah thu dik lo sawiah Congress Party-in Chief Minister Pu Zoramthanga an puh.

0
476
views

MPCC chuan Ningani-a Synod Executive Committee member-te leh MLA tling tharte inkawmnaah Chief Minister hian tunhnaia Lengpui Airport-a thlawhna service tih tlem chhan a hmuhchhuah thar thu sawiin, thlawhna runway chhiat tawh vang a nih thu a sawi a ni an ti a. Jet Airways in tun thla ni 10, a\ang khan Lengpui Airport-a an service an ti tawp a, hetih rual hian North East a airport dang Silchar, Jorhat leh Imphal service-te pawh an titawp a ni an ti a, Hetianga Jet Airways-in North East-a service an tihtawp chhan media hrang hrang report-ah chuan sum leh paia Jet Airways Company nasa taka a tlakchhiat vang tih tarlan a ni an ti. Hetiang hi thil awmdan anih laia Chief Minister Pu Zoramthanga’n Lengpui airport runway chhiat vanga thlawhtheihna an service \ha duh lo tia a sawi chu thu dik lo a ni MPCC chuan an ti a, Kohhran hruaitute hmaa dawt sawiah an puh a ni.