Lengpui tumhmuna Air Traffic Control tower electric kal sual vangin kang, khawl pawimawh kangchhia

0
383
views

Tukin dar 6:10 vel khan Lengpui |umhmuna Air Traffic Control Tower chu electric kal sual vangin a kang a, kang\helh motor hmanga \helh ni mah se a chhunga khawl pawimawh leh hmanraw dang tam tak a kang chhe vek a ni. Civil Aviation Deptt. hotute hnen a\anga ZONET thudawn danin electric kal sual vanga he kangmei chhuakah hian thi leh hliam an awm lova, he Air Traffic Control Tower-a khawl leh hmanrua te hi kang chhe mah sela, a \ul huna a aiawha hman theih tur khawl dah hmangin thlawhna \um tur leh thlawk chhuak tur te kaihhruai theih a ni a, he thil thleng avang hian thlawhna lut leh chhuak a buai chuang lo a ni. A thlakna tur khawl thar bun hna chu chawlhkar hnih chhung vela zawh theih beisei a ni.