He thu hi Lengteng bial huamchhunga Puilo khuaa MNF intawhkhawm a hmanpuinaah sawiin Pu L Thangmawia chuan, sum hmanga vote lei tumtute hian mihring zahawmna leh hlutna an hre lova, bungrua anga lei mai mai theihah an ngai a, hei hi Pathian pawisawina lian tak nia sawiin Lengteng bial mipuite chu lei theiha an awm chuan kum 5 chhung hlamchhiahin an awm leh dawn tih inhre turin a chah a, sum hmanga vote lei tumtute lo hnawl ngam turin a chah bawk.
Pu L Thangmawia chuan Lengteng bial huamchhunga sorkar hmun hrang hrangten hmasawnna lam aia a tlabal zawnga an awm chu a vei thu sawiin, sorkarin SDEO Office a dah pawh Cabinet approval awm lo, inthlan dawn a nih avanga mipui bum tumna, phuahchawp taka vote zawnna atana dah niin a sawi a, inthlana thuneihna an chan a amah an thlantlin bawk chuan heng zawng zawng hi siam\hat vek a nih tur thu a sawi bawk. Pu L Thangmawia hian an party zawmthar mi engemawzat a lawmlut nghal bawk.
