Libya tuipui kam hnaiha lawng pil vangin mi 90 vel an thi nia hriat a ni

0
692
views

Libya tuipui kam hnaiah lawng pakhat a pil avangin Europe-a pemluh tum mi 90 vel an thih rin a ni. Mi 3 te chu chhanchhuah an ni a, mitthi ruang 10 hmuh a ni tawh bawk tih International Organisation for Migration chuan a sawi. Dam khawchhuak zinga mi te chuan lawnga chaung tam ber te hi Pakistan mi, North Africa atanga Italy lama luh tumte an nih thu an sawi a, lawnga chuang hi mi 90 vel niin an inhria tih IOM thupuangtu Olivia Headon chuan a sawi. Hemi hmalam hian Libya khaw pakhat Zurawa Police te chuan lawng atang hian Libya mi pahnih leh Pakistan mi pakhat chhan chhuah an nih thu an sawi bawk a. Zurawa hi Libya leh Tunisia inrina bula awm a ni a, ram danga pem tumten helai hmun hi lawnga chuan tan nan an hmang fo thin a ni.