Lirnghing, a tehna Magnitude 6.4-a na in California chhim lam a sawi hnuah magnitude 7.1 -a na-in a sawi nawn leh.

0
463
views

Ridgecrest khaw bula lei chhungril km 0.9-a thuk a\anga lirnghing in\an hian hmun tam takah chhiatna a thlen a, Ridgecrest Mayor Peggy Breedon chuan kangmei chhuak, gas put, hliam leh eng pekna lama harsatna thleng report tam tak an dawn thu a sawi a, chhiatna tawkte hi a rang thei ang bera \anpui an ni tih a sawi bawk.

He lirnghingin a tih chhiat zat leh mihring engzat nge hliam tih hi hriatchian theih a la ni lo a, Los Angeles Fire Deptt. chuan khaw chhung an enthlithlainaah thi leh hliam an awm lova, chhiatna lian tham thleng a awm lo niin an sawi.

Los Angeles-a baseball khelhna mualah chuan lir a nghing tih an hriat veleh a entu mipuite chu an \hutna chhuahsanin an tlan chhiaa, infiammi te erawh chuan an inkhelh lai an chhunzawm thung a ni.

Tun \uma California sawitu lirnghing hi kum 20 liamta chhunga a na ber a ni a, a chhehvel state dang te leh Los Angeles, Nevada state leh Mexico ramri thlengin lirnghing hi a hriat theih a ni.