Live Update|April 5|Covid-19 chungchang thu thar lakkhawm

0
504
views

He live blog hi tihtawp a ni tawh a, April ni 6 live blog en duh tan;
https://www.zonet.in/liveblog-covid19-apr06/

11:11 PM
Assam: Nimin lama positiveh hmuhchhuah, Manish Tibrewal nena lo intawk tawh nia rinhlelh mi 48 (Guwahati leh Nagaon ami) chu test-ah an negative

10:50 PM
Bhubaneswar-ah positve 16 an awm belh

10:37 PM
Telangana-ah case thar 62 chhinchhiah belh a ni a, state pumah 362 chhinchhiah a ni tawh

10:14 PM
Bhopal-ah case thar 23 a awm belh

10:04 PM
Italy-ah Covid-19 vanga thi mi 525 an awm belh a, March ni 27 hnua hrilêng thihpui an tlem leh ber ṭum a ni a, March ni 27 khan mi 969 an lo thi tawh a ni

10:03 PM
US-in Coronavirus vanga an buai ṭan hnuah, an hun tawna a harsa ber lai tura ngaih an tawng chho mek

9:46 PM
PM leh President leh an chhungte’n light ti thimin sahriak khawnvar an chhi

8:45 PM
Chanchin lawmawm: Chhattisgarh-ah Covid-19 kai enkawl lai 10 zinga 7 chu enkawl dam an ni

8:43 PM
Haryana sorkarin Covid-19 kai tih finfiah tawh thite ruang reng reng an chhungte hnena hlan lovin, hal ral zel turin Municipal Corporation leh Council-te a hriattir

8:38 PM
CRPF DG test-ah a negative, puan tawh angin CRPF zingah positive an awm avangin DG hi a inkhunghrang mek a ni

8:34 PM
J&K, Udhampur-ah test 10 a negative

8:14 PM
Maharashtra-ah Covid-19 thihpui mi 45 an awm tawh, heng zinga 13 chu vawiina thi an ni

8:06 PM
Rahul Gandhi-an Covid-19 beihnaa mi inpe leh hnathawk zawng zawng an chhuanawm thu leh an vaiin mahni invenna an la neih loh thu a sawi

7:58 PM
Gujarat-ah Covid-19 case 128 a awm tawh

7:55 PM
Andhra Pradesh-ah case thar 26 chhinchhiah a ni a, a vaiin 252 a awm tawh

7:39 PM
Mumbai-ah case 330 a awm tawh a, heng zinga za zela 40 chu Municipal Ward 4 ami an ni (Mumbai khawpuiah hian Municipal Ward 24 a awm)

7:31 PM
Delhi-a tangkhang mek US khua leh tui mi 100 thawn haw an ni dawn

7:28 PM
Maharashtra-ah vawiin bikah positive case 113 chhinchhiah a ni tawh a, state pum chhinchhiah zat chu 748 a ni

7:26 PM
Delhi-ah Covid-19 case thar 58 chhinchhiah a ni a, a vaiin 503 a awm tawh

7:23 PM
Ram pumah case 3577 a awm tawh a, Covid-19 vanga thi 83 an awm tawh bawk: Health Ministry

7:18 PM
Andhra Pradesh: East Godavari District-ah tumkau ni denchhena inkhawm huaihawt a nih vangin Pastor pakhat thubuai siam sak a ni

7:14 PM
Rajasthan: Jaipur-ah case thar 39 a awm a, khawpui dangah case thar 8 a awm bawk, ti hian Rajasthan-ah chuan case 253 a awm mek a ni

7:12 PM
Northern Railway-in a siam PPE chu chi hrang hranga enchhin a nih hnuah DRDO-in a pawm

6:53 PM
Pune: Tanzania ram mi 8 inkhunghran bawhchhia lakah thubuai siam a ni a, VISA dân bawhchhiat vangin thubuai dang siam sak an ni bawk

6:51 PM
Delhi: Ina inkhunghran bawhchhia mi 11 lakah thubuai siam a ni

6:49 PM
Karnataka-ah vawiin khan case thar 151 a awm

6:40 PM
Madhya Pradesh-ah Covid-19 vanga thi 13 an awm belh a, Indore khawpui chhung ami vek an ni

6:33 PM
Mumbai: Case thar 103 chhinchhiah a ni a, Covid-19 vangin mi 8 an thih belh a, thi tawh zawng zawng zat chu 30 a ni

6:23 PM
Tamil Nadu-ah case thar 86 a awm a, state pumah 571 a awm tawh, case thar zinga 85 hi Tablighi Jamaat member an ni

6:21 PM
Delhi: Moti Bagh-a NDMC damdawiin hnathawk, hmun tifaitua an chhawr pakhat a positive a, hnathawk dang 30 nen khunghran nghal an ni

6:17 PM
Madhya Pradesh-ah Jamaat member, ram pawn lam mi 57 passport hren sak an ni

6:25 PM
Test sample result nghah lai 4 a negative a, Covid-19 kai enkawl lai tih loh midang sample thawn tawh zawng zawng 16 chu a la negative vek a ni: ZMC Bulletin

6:25 PM
Laboratory peih a ni tawh a, tun karah test ṭan theih beisei a ni a, a ṭul chuan Dialysis pawh a tih theih nghal tawh a, ICU, Isolation Ward leh in enkawlna tur thil dang pawh peih a ni tawh: ZMC Bulletin

6:25 PM
Covid-19 patient awm chhunin khawsik sang vak lo a nei a, a dinhmun erawh a ngaihtuah awm lo: ZMC Bulletin

6:25 PM
ZMC-ah Covid-19 kâi nia rinhlelh pakhat enkawl lai a awm a, dinhmun ngaihtuahawm a ni lo: ZMC Bulletin

6:15 PM
Health worker-te laka che mawi lo emaw, an hnathawh tibuai reng reng na taka hremah CM-in a vau

6:07 PM
Delhi Mohalla Clinic-a thawk doctor, Covid-19 kâi chu enkawl dam a ni tawh a, damdawiin aṭanga chhuah a ni

6:00 PM
Uttarakhand-ah mi 4 an positive belh a, state puma positive zat chu 26 a ni

5:54 PM
Kerala-ah case thar 8 chhinchhiah a ni a, state puma chhinchhiah tawh zat chu 314 a ni

5:44 PM
Delhi: Tablighi Jamaat member, Malaysia khua leh tui 8 khunghran an ni

5:42 PM
PM Modi-a’n Covid-19 chungchangah Bahujan Samaj Party (BSP) hruaitu Mayawati a kawm

5:41 PM
Ministry of Human Resource Development hnuaia zirna in hrang hrangin PM-CARES fund-ah cheng vbc 38 an pe

5:15 PM
Madhya Pradesh Bhopal-ah inkharkhipna khauh zawk puan a ni a, bawnghnute dawr leh damdawi dawr chiah hawn phal a ni.

5:12 PM
Nepal rama tangkhang ta, Europe lam mi 780 an ramah hruai haw an ni

5:10 PM
Indore-ah mi pahnih an thih belh a, he khawpui bika thi tawh zat chu 9 a ni
2 more deaths reported in Indore, toll rises to 9

5:02 PM
Madhya Pradesh: Dubai aṭanga lo zin haw mi pakhatin ruai a ṭheh avangin mi 26000 chu khunghran mek an ni a, ruai ṭhehnaa kal mi 10 test-ah an positive vang a ni.

4:43 PM
Punjab-ah Covid-19 kai mi 68 enkawl an awm tawh a, heng zinga 1 chu ventilator nena enkawl mek a ni a, mi 4 enkawl dam an ni tawh a, mi 6 an thi tawh bawk: State Health Department

4:35 PM
Ramchhung hmun hrang hrangah chhawmdawlna hmun (relief camp) 27000 din a ni tawh a, inhlawhfaa eizawng ṭhin enkawl lai mi nuai 13.6 an awm mek bawk a, chhuanchham mi nuai 75 eitu pek ṭhin an ni: Home Ministry

4:26 PM
Covid-19 pun hluai chhanah Health Minister-in Tablighi Jamaat a puh a, Covid-19 case a lêta a punna rate chu chawhrualin ni 4.1 a nih mek thu leh, Tablighi Jamaat kaihhnawih tel lo ho bik chauha chhut chuan a lêta a punna rate hi ni 7.4 a ni: Health Ministry Joint Secretary, Lav Aggarwal

4:21 PM
Covid-19 boruakah a lên awm hriat a ni lo: ICMR

4:19 PM
Ram pumah mi 267 enkawl dam an ni tawh: Health Ministry

4:17 PM
Nimin aṭanga chhutin ram pumah Covid-19 vanga thi mi 11 an awm tawh

4:17 PM
Nimin aṭanga chhutin casee thar 472 rampumah a awm tawh a, case awm tzawh zawng zawng hi 3374 a ni a

4:13 PM
Rampumah District 274-ah Covid-19 case a awm tawh: Health Ministry

4:07 PM
Australia-ah Covid-19 vangin mi 34 an thi tawh a, case awm tawh zawng zawng chu 5687 a ni

3:58 PM
Assam Health Minister-in Tablighi Jamaat hruaitute hnenah inkhawm chhimtute hming a dil

3:55 PM
Mumbai-ah case thar 29 a awm belh a, State (Maharashtra) pumah case 690 a awm tawh

3:43 PM
Human Resource Development Minister, Ramesh Pokhriyal chuan April ni 14-ah zirna in hawn chhunzawm dan tur chungchangah thutlukna siam a ni ang a ti

3:35 PM
Bangladesh-ah Covid-19 vanga thi mi 9 an awm tawh

3:30 PM
Pune-ah Covid-19 vangin mi pakhat thih belh a, vawiinah a pathumna a ni

3:20 PM
Tihar Jail aṭangin an chungthu la rel fel loh mi 700 a chhuah lailawk, Tihar Jail hian a hmain mi 500 a lo chhuah lailawk tawh bawk a ni

3:11 PM
ICMR Director-General chuan vawiin khan Coronavirus darh tamna state-ah Rapid Test hman rawtna Health Secretary-ah a thlen

3:00 PM
Coronavirus patient dies in Indore; city death toll rises to 8

2:57 PM
Air India thlawhna-in tukin khan China aṭangin medical supples kg 19416 Delhi a rawn thlenpui

2:50 PM
Lockdown zawhah bazar bawh huk lo turin Odisha Chief Secretary-in mipui a ngen a, nitin mamawh a vâng dawn lo a ti

2:40 PM
Jharkhand-ah confirmed case 3 chhinchhiah a ni tawh

2:35 PM
Mumbai Dharavi-ah case 4 chhinchhiah a ni tawh

2:31 PM
PM Modi-a’n President lo ni tawhte leh PM lo ni tawh te bakah, party hrang hrang hruaitute a kawm

2:25 PM
Himachal Pradesh DGP-in tun hnu lama Tablighi Jamaat inkhawm chhimtu, thuneitute hnena inhriattir lo man chhuah te chu IPC Section 302 tlawhchhanin thubuai siam sak tur an ni a ti

2:20 PM
Karnataka CM-in state mipuite ina awm a, Covid-19 inkâichhawn khaidiat ti chat turin a ngen

2:05 PM
Uttar Pradesh: Ghaziabad-ah Indonesia mi 10 man an ni

1:55 PM
Assam health minister Himanta Biswa Sarma-a’n Goalpara Civil Hospital a tlawh, puan tahw angin Goalpara-ah hian positive enkawl lai pathum an awm a ni

1:46 PM
UK-in an khua leh tui India-a tangkhangte thlawhna-in a phur chhuak dawn

1:31 PM
Uttar Pradesh: Gautam Buddh Nagar huam chhunga zirna in zawng zawngin thla tin fee an chawi a ngai lo tih an District Magistrate-in a sawi

1:26 PM
Maharashtra Buldana-ah Tablighi Jamaat punkhawm chhimtu mi 3 an positive belh

1:20 PM
Varanasi-ah Covid-19 vangin mi pakhat a thi a, hei hi Varanasi-a a hmasa ber a ni a, a hma lam lo puan tawh, Gangapur-a thi chu a test sample-ah a negative a ni

1:15 PM
Uttar Pradesh: Gautam Budh Nagar-ah April ni 30 thleng CrPC Section 144 pawhsei a ni

1:10 PM
Punjab-ah Covid-19 kaihhnawih ni lo khuh, hritlang leh khawsik neite pan theih tur ‘Flu Corner’ a siam

1:06 PM
Australia sorkarin ram pawn zirlai, an rama la awm mek zinga sum lama harsatna tawk an awm a nih chuan puih a tiam

12:55 PM
Goa sorkarin Covid-19 vanga khunghran mekte kalna chin hriat theihna tur mobile app a siam

12:45 PM
Puducherry: Police 21 inkhunghrang tura tih an ni

12:35 PM
Delhi-a Indira Gandhi International Airport-ah Malaysia-a a bika thlawk tura ruahman thlawhnaa chuan ve tum mi 8 man an ni

12:25 PM
Tamil Nadu Thoothukudi-ah tualchhung miten health worker-te kut an thlak

12:05 PM
Pune-ah Covid-19 kai pakhat a thih belh, hei hi vawiina a pahnihna a ni

11:20 AM
Tamil Nadu: Lockdown bawhchhiat vangin mi 78000 man an ni tawh

11:10 AM
Andhra Pradesh: Darkar 24 chhungin case thar 34 a awm

11:04 AM
Delhi State Cancer Institute-a thawk nursing officer pahnih an positive, he damdawiina thawk tho nurse 3 leh doctor 1 chu a hma in an lo positive tawh bawk a ni

10:29 AM
Chhattisgarh-ah Covid-19 kai pathum enkawl dam an ni

10:23 AM
J&K: Khunghran lai pa pakhat, kum 100-a upa a thi a, test nghal a ni a, a result erawh a negative

10:10 AM
Kerala: Sample 8000 chuang test a ni tawh a, tun dinhmuna an hmalakna a ṭha thawkhat niin state Health Minister, KK Shailaja-in a sawi a, Rapid Test hman ṭan an duh thu a sawi bawk

10:09 AM
China-ah Covid-19 case thar 30 chhinchhiah a ni a, Wuhan ram bung chhunga district 9 chu hlauhawm nêp deuh tawhah puan a ni

10:06 AM
South Africa-a Muslim sakhaw hotu pakhat, Moulana Yusuf Tootla a thi a, thla hmasaa Delhi Nizamuddin vênga Tablighi Jamaat inkhawm chhimtu zing ami a ni

10:00 AM
Tamil Nadu-ah Covid-19 vanga thi mi 5 an awm tawh

09:56 AM
J&K: NGO Ummeed Welfare Society-in thingtlanga mi rethei zawkte tan Free Medical Check-Up a kalpui a, a ṭulna apiangah damdawi a sem bawk

09:54 AM
Samajwadi Party hotu, Akhilesh Yadav chuan ramchhungah testing kit a tam tawk loh bakah, health lam hnathawkte tan PPE a tam tawk lo niin a sawi

09:50 AM
Rajasthan-ah Covid-19 kai pakhat a thi a, case thar 6 a awm bawk

09:43 AM
J&K: Sorkar hnawthawk mi 3-in an Curfew Pass thil danga an hman avangin lak let sak an ni

09:39 AM
US President Donald Trump-a’n India aṭanga Hydroxychloroquine damdawi lei a lo tum tawh chu chhuah remti turin PM Narendra Modi a ngen a, hei hi tunhnaia sorkar laipuiin Hydroxychloroquine ram pawna hralh a khap vang a ni

09:33 AM
Brazil rorelna in hnuai zawk, Congress-in coronavirus dona atan “war budget” a pass a, Brazil hian case 10,000 chuang a nei tawh a ni

09:31 AM
Madhya Pradesh: Indore-ah positive case thar 10 a awm

09:15 AM
Lucknow Cantonment Area-ah darkar 48 chhungin Tablighi Jamaat chhimtu mi 12 an positive tawh a, helai hmun hi tlawh pawh theih loha khar rih a ni

09:13 AM
Tablighi Jamaat punkhawm chhimtu Indonedia khua leh tui mi 10 man an ni a, an zinga 5 chu hmeichhia an ni

09:09 AM
Turkey-ah mi 500 chuangin Coronavirus an thihpui tawh a, puipunna hmun leh bazar leh lawng chawlhhmun-te uluk zawka endik an ni

09:06 AM
Indian Air Force zing ami mi 1-in Nizamuddin punkhawm a chhim ve avangin IAF mi 3 khunghran mek an ni

08:59 AM
Kanpur-ah lockdown vangin Ganga lui fai sawt hle

08:44 AM
Himachal Pradesh: Coronavirus case thar 9 chhinchhiah a ni

08:37 AM
Janata Dal hotu, HD Kumaraswamy-a’n April ni 5 chu BJP din cham urlawk ni a nih avangin a zanah bati chhi turin ram mipuite a ti niin a sawi a, hei bak chhan dang awma a hriat loh thu leh a hun thlan chhan tak hi sawifiah turin a cho

08:30 AM
Punjab: An zinna thup an awm chuan Punjab sorkarin an passport chhuhsakah a vau

08:29 AM
Bengal Birbhum District-a Quarantine Centre siam chungchanga buaina chhuakah mi pakhat a thi

08:27 AM
Bhubaneshwar-ah uluk lehzualin khawpuia chengte en chhunzawm zel a ni dawn

08:18 AM
Europe khawmualpuiah mi 45000 chuangin Coronavirus an thihpui tawh

08:16 AM
New York khawpuiin China aṭangin ventilator 1100 a dawng

08:14 AM
Pakistan-ah Covid-19 case 2818 a awm tawh

08:09 AM
Finfiah hmasak loh thu thehdarh lo turin Trump-a’n media-te a ngen

08:08 AM
Singapore-ah coronavirus case 75 chhinchhiah belh a ni a, heng zinga 7 chu India khua leh tui an ni

08:07 AM
Madhya Pradesh: Covid-19 positive 3 an awm belh

08:06 AM
Agra-ah mi 3 test-ah an positive

08:05 AM
Gujarat: Surat-ah Covid-19 kai pakhat a thi

8:00 AM
Vawiin hi Tumkau Ni (Palm Sunday) a ni a, khawvel hmun hrang hrangah lockdown karah inkhawm siam a rem loh avangin, YouTube Live Stream a lar hle a, US leh UK-a kohhran hrang hrangte pawhin inkhawm hun siamin online-a mipuiten an lo en theih turin an livestream a ni. Khawvela Kristian kohhran lian ber, Roman Catholic lu ber Pope Francis pawhin Vatican-ah Palm Sunday Mass a buatsaih a, biakin hawng lovin, Mass hi livestream a ni. Mizoram-ah pawh Cable TV lian pahnih Zonet Cable Tv leh LPS Vision-te pawhin kohhran hrang hrang inkhawm TV-ah an ti chhuak a, Zonet chuan Presbyterian Kohhran Naupang Sunday School zirlaite en theih tura a dah bakah live-a pek tur program a siam a, Zonet Zawlbuk Channel-ah chawhma dar 10:00-ah Rev. J.Lalremsiama, chhun dar 12:00-ah Rev Vanlalbela, zan dar 8:00-ah Upa C Ngurthantluanga te sermon live-in a tichhuak ang, hengte hi Zonet Official YouTube Channel-ah pawh en theih a ni a, a huna en hman lo te tan pawh en lêt leh theih reng a ni a, hei bakah hian Roman Catholic Holy Week program pawh Zonet Bawhbel Channel-ah live-in a tichhuak bawk a ni.