Local Administration Department-in Hlimen Zophei rama Lalsavunga Park a siam chu Chief Minister, Pu Lal Thanhawla’n nimin khan a hawng.

0
940
views

 

Hawnna inkhawma thusawiin Chief Minister chuan Aizawl khawpui a\anga hnaitea hawi khawthawnna hmun nuam tak Local Administration Deptt.-in a siam chu intihhlimna leh hahchawlh nan \angkai taka hman a ni dawn niin a sawi a, ram changkang apiangin hmun thengthaw hahchawlhna hmun siam an ngai pawimawh \hin niin a sawi a ni. Pu Lal Thanhawla chuan mihringte chenna khawvel tinuam turin ramngaw leh nungchate humhalh kawngah harh thar a \ul tih sawiin, tui hna humhalh kawngah te, ram kang ven kawngah te mipuite an harh thar zel chu thil lawmawm niin a sawi a ni.

LAD Minister, Pu PC Lalthanliana pawhin thusawiin Lalsavunga Park siam chu nawmchenna tur ni lovin chen nawmna tur atana siam niin a sawi a, Park siam puitling tura an Department hmalakna Department dangte leh, mimal, khawtlang, Kohhran leh tlawmngai pawl ten an \awiawm leh ram leh tha an thawh chu Park siam puitlin theihna chhan niin a sawi a, a enkawl leh venhim kawngah \an la turin mipuite a ngen a ni.

Agriculture Minister, Pu KS Thanga pawhin thusawiin he park hi khualzin hiptu \ha tak a nih a beisei thu te, a kal apiangten tibawlhhlawh lova, thianghlim taka an hman \ul a tih thu te a sawi bawk a ni.

He Park hi kum 2014 a\anga siam \an a ni a, Rs. 4,64,18,000/- sengin siam zawh a ni a, ram bigha 300-a zau a ni. He park luh man hi naupang tan cheng 20, puitling tan cheng 50 a ni.