Pro-tem speaker Dr Virendra Kumar-a kaihhruaina hnuaiah member thar te hi rinawmna thu tiamtira lakluh an ni a, Prime Minister Narendra Modi-a’n rinawmna thu tiamin hming a sign hnuah member te chibai a buk a, Cabinet Minister Rajnath Singh, Amit Shah, Nitin Gadkari, DV Sadananda Gowda, Harsimrat Kaur Badal, Ravi Shankar Prasad, Santosh Gangwar leh midang te pawhin rinawmna thu an tiam a ni.
Parliament pawna chanchinbumite a kawmnaah Prime Minister Narendra Modi hian eptu party te thusawi chu democracy rorelnaah thil pawimawh tak a ni \hin tih sawiin, an tlem deuh vanga inthlahrun phah lova, parliament ah theihpatawp chhuah tura a beisei thu a sawi.
Lok Sabha inthlan zawhfel takah BJP hian MP 300 chuang a nei phak a, Congress party chuan Lok Sabha leh Rajya Sabha-a an hruaitu tur pawh an la thlang chhuak lo a ni. Parliament Session ah hian July ni 5 khian Finance Minister Nirmala Sitharaman-i’n budget a pharh dawn a ni.
