Lok Sabha-ah kumin sorkar kum 2019-2020 atana Budget lailawk sawihona \an a ni. Chawhnu lam sessionah erawh chuan Rafale thlawhna lei chungchanga Congress, TMC leh party dang memberten lungawilohna an lantir avangin rorelna a kaltluang thei lo a ni.

0
592
views

Budget lailawk sawihona bul \antu BJP member  Tathagata Satpathy chuan sorkar chuan lo neitute ham\hatna tur ruahmanna tam tak a siam niin a sawi a, thla tina cheng 6,000 pek an tiam chu \ha tawk lo nia sawiin, leilehnaa tractor hman tur  diesel leina khawp pawh a tling lo niin a sawi a ni.

AIADMK party mi T Venkatesh Babu chuan an hmalakna hi a thlawp thu sawiin a, a hmaa sorkar chu MS Swaminathan-a ruahmanna hlenchhuak lovah a puh a, NDA sorkar hian hlenchhuah nan hma la zawkin thlai thara Minimum Support Price pawh a tihsan sak zawk a ni a ti. BJP party mi Anurag Thakur chuan Budget hian NDA sorkarin India thar siam tumin a hmalak dan tur a tichiang hle niin a sawi a, BJP sorkar chhung leh kum 55 chhung Congress rorel chhung tehkhinin BJP sorkar hnuaiah hmasawnna hmuh tur a tam zawk niin a sawi a ni. Narendra Modi sorkar hnuaia sector hrang hrangah chak taka hnathawh a nih avangin  hmasawnna chak takin a kal a, ram hmasawnna chak zinga pathumna dinhmun a hauh phak niin a sawi a ni. Anurag Thakur chuan Congress sorkar sawiselin sorkar laipuiin petrol leh diesel man chungchanga a thutlukna pawimawh a siam hnuah pawh opposition partyte chuan rorelna an channa state-ah pawh  petrol leh diesel-ah chhiah an tihhniam ve lo niin a sawi a, West Bengal CM Mamata Banerjee-i’n CBI thiltih dan chungchanga lungawilohna a lantir chu a dem thu a sawi bawk a ni.

Chawhnu lam session-ah hian Rafale thlawhna lei tur chungchanga ruahman siam Joint Parliamentary Committee endik tir phutin Congress, TMC leh party dangte’n lungawilohna an lantir a, session a\ang hian an chhuak tauva, chawhma lam sessionah eptu pawlten buaina an siam a ni.