Lok Sabha inkhawmah Foreign Contribution (Regulation) Act, 2010 siam that a ni

Lok Sabha inkhawmah vawiin khan political party-te’n ram pawn lam a\anga thawhlawm an dawn chhui chian kher ngaih tawh lohna tur bill, sawiho lohvin pawm a ni. Vawiin rorel inkhawmah hian Foreign Contribution (Regulation) Act, 2010 chu siam \hat a ni a, he dan hian ram pawn lam a\anga party \anpuina sum pek a khap \hin a, Representation of People’s Act pawhin political party-in ram pawn a\anga sum a dawn a khap ve bawk a, heng-te hi BJP kaihhruai sorkar chuan Finance Bill 2016-ah a siam danglam ta a ni. Kar kalta zirtawpni-a TDP leh YSR Congerss-in an lo put luh tawh, No-Confidence Motion chu pharh a la ni lo a, party hrang hrang MP-te’n an lungawiloh thu an auchhuah pui leh avangin, Speaker Sumitra Mahajan chuan motion hi pharh theih a ni lo a ti a, inkhawm a titawp zui ta a ni. He No-Confidence Motion hi eptu lam party-te chuan an thlawp tur thu an sawi tawh a, BJP thawhpui, Shiv Sena-te sorkar \an zawngin emaw, motion \an zawngin emaw ban phar ve an tum loh thu an sawi ve bawk a ni. Puan tawh angin BJP hian Lok Sabha-ah MP an ngah ber avangin an dinhmun a derthawng lem lo a, eptu pawl party-te pawhin sorkar ngaihdan sawhsawn sak an tumna a nih loh thu leh an ngaihdan puanchhuahna hun atana motion hi thlawp an nih thu an sawi bawk a ni.