Lok Sabha inthlan dawn hnaihah party hruaituten ram chhung hmun hrang hrangah campaign an bei ngawrh chho hle.

0
373
views

PM Narendra Modi chuan UP-a Amroha leh Saharanpurah rally a huaihawt a, mipui hmaah thu sawiin sorkar kum 5 a kaihhruai chhungin vawi khat mah India zahpuiawmin a siam lo niin a sawi a, ramin sorkar chak a neih a pawimawh a, tunah chuan khawvel pumin India chu zah takin an thlir tawh a ni a ti a, hei hi amah vang ni loin, amah thlawptu India mipuite vang a ni a ti a, ram hmelma, mifirfiakte beih an nih laiin mi \henkhat chu Pakistan lam \ang an awm niin a sawi a, Congress an ni emaw, SP emaw BSP emaw pawh ni se hun lo kal tur atan India chu dinhmun hlauhawmah an dah a ni a ti. PM hian UAE sorkar leh UAE mipuite chu Zayed medal an hlan avangin lawmthu a hrilh bawk.

Congress President Rahul Gandhi chuan Pune-ah zirlaite nen hun a hmang a, tun dinhmun a thlen theih chhan chu huaisen taka a beih vang nia sawiin, thudik a \an-a harsatna a hmachhawn \hin vangin he huaisenna hi a nei thei tih a sawi a, zirlaite hmaah hian hmeichhiate chu sumdawnna kawngah leh politics-ah hmun pek an ngai a, kum 2019 hnulamah chuan Lok Sabha leh Rajya Sabha-ah zaa 33 chu hmeichhe tan hauh sak a ni ang a ti. Modi sorkarin, cheng 500 leh 1,000 note a tihhlum vanga ramin a tawrh nasatzia leh mi tam takin an hna an hloh thu a sawi a, zirna kalpui danah mimal tin thiamna phochhuak zawnga kalpui a ni lo niin a sawi a, zirna lama India thlen chin leh hming\hatna te chu zirtirna kalpui \hat vang ni loin zirlaite vang zawk a ni a ti a, khawvel hmasawnna sang tak karah kum 20 kaltaa zirtir \hin dan tho chu tun thleng la kalpui a ni a ti. Balakot-a mifirfiakte beihna chu Indian Air Force leh thlawhna khaltute thawh\hat rah a ni a ti a, hemi chungchang hi politics-a inbeih nana hman a duh loh thu a sawi a, Rahul Gandhi hian zirlaite zawhna zawh te a chhang bawk a ni. Rahul Gandhi hian Chandrapur leh Wardha-a mipui hmaah thu a sawi bawk a ni. Congress General Secretary Priyanka Gandhi Vadra chuan Ghaziabad-ah road show a huaihawt bawk a ni.

BJP President Amit Shah chuan Arunachal Pradesh-a Changjang-ah te, Manipur-a Thoubal leh Assam-a Mourigaon-ah rally a huaihawt a, Trinamool Congress hotu Mamata Banerjee chuan Assam-a Dhubri-ah rally a huaihawt dawn a, Assam-ah hian a party hian innghahna la nei lo mahse National Register of Citizens leh Citizenship Ammendment Bill an duhlona thlawpin Assam-a Lok Sabha seat 14-a seat 9-ah an ding dawn a ni.